Home ჯანმრთელობა როგორ მივირთვათ სწორად პროდუქტი, მისგან მაქსიმალური სარგებელი რომ მივიღოთ

როგორ მივირთვათ სწორად პროდუქტი, მისგან მაქსიმალური სარგებელი რომ მივიღოთ

by თ თოქმაძე
31 views

ყვეელა ჩვენთაგანს საკუთარი რაციონი აქვს, რომელსაც ამა თუ იმ მიზეზით ვიცავთ. უმეტეს შემთხვევაში, იგი შეიცავს იმ პროდუქტების გარკვეულ ნაკრებს, რომელსაც ადამიანების უმეტესობა მოიხმარს. თუმცა ის ფაქტი ნამდვილად არაა, რომ ყოველივეს სწორად ვაკეთებთ. დღევანდელ სტატიაში თქვენი ყურადღება უნდა მივაპყროთ პროდუქტების “ათეულს”, რომელსაც არასწორად ვამზადებთ და მივირთმევთ.

1. კივი

კივი ნამდვილად კარგად გამოიყურება სხვა დაჭრილ ხილთან ერთად, თუმცა გასტრონომიული თვალსაზრისით მისი მსგავსად მირთმევა მართებულად არ ითვლება. ამიტომაც დროა საზოგადოებაში არსებული პოპულარული სტერეოტიპი დავამსხვრიოთ: კივი შეიძლება და საჭიროც კია კანთან ერთად მიირთვათ, რადგანაც ის სავსებით საკვებად გამოყენებადია. ასევე მის შემადგენლობაში ანტიოქსიდანტები, ვიტამინი C და E შედის. დიეტოლოგები ხაზს უსვამენ, რომ კივის კანი ნახევარჯერ მეტ ბოჭკოსა და ანტიოქსიდანტთა სამჯერ უფრო დიდ რაოდენობას შეიცავს.

საინტერესო ფაქტი: მიუხედავად იმისა, რომ უმეტესობა ჩვენთაგანი კივს ხილად თვლის, ის რეალურად მაინც კენკრაა.

2. პომიდორები

პომიდორები ცნობილია დიდი რაოდენობით ანტიოქსიდანტებითა და ბეტა-კერატინით, რომელიც ადამიანის ორგანიზმს A ვიტამინით ამარაგებს. მაგრამ ცოტამ თუ იცის, რომ პომიდორები თერმული დამუსავებისას ლიკოპენს – მნიშვნელოვან ფიტოელემენტს გამოყოფს, რომელიც გულ-სისხლძარღვთა სასიკეთოდ მოქმედებს. ამასთანავე მეცნიერებმა დაადგინეს, რომ პომიდორი ლიკოპენის მაქსიმალურ რაოდენობას 90°С-ზე გამოყოფს. ამიტომაც, რათა პომიდორი მაქსიმალურად სასარგებლო იყოს, ის საჭიროა კიდევაც მოხარშოთ და მოთუშოთ.

3. სტაფილო

გავრცელებული აზრის მიუხედავად, სტაფილო სასარგებლოა არა მხოლოდ უმ მდგომარეობაში, არამედ თერმული დამუშავების შემდეგაც. სინამდვილეში სტაფილოს ხარშვის შემდეგ მასში არსებული ბეტა-კერატინი არსად არ ქრება: რედაქციის ინფორმაციით, ის მხოლოდ 170°С-ზე იშლება, ამიტომაც ადამიანის ორგანიზმისათვის აუცილებელი ელემენტი სტაფილოში და ბოსტნეულის ბულიონში კალიუმსა და კალციუმთან ერთად ინახება. ამასთანავე, მოხარშული სტაფილო უმისგან განსხვავებით, უფრო ფაფუკი ხდება და მისი მონელებაც მარტივდება.

4. ბროკოლი

გამორჩეულად სასარგებლო ბოსტნეულს ბროკოლს, ჯანსაღი კვების მოყვარებულებები, უმეტესად უმ მდგომარეობაში მოიხმარენ. ისინი მსგავსად ტყუილად იქცევიან, რადგანაც მას შესაძლოა არასწორიც კი ეწოდოს. რასაკვირველია, სავსებით სიმართლეა, რომ ცხელ წყალთან კონტაქტის შედეგაც, ბოსტნეულიდან ხდება C ვიტამინის წყალში გამოდინება, ამიტომაც მოხარშვა ბროკოლს უფრო სასარგებლოს ნამდვილად არ გახდის, მაგრამ მისი ორთქლით დამუშავებაზე უარის თქმა არ ღირს: ამგარად ბოსტნეული თავის სასარგებლო ნივთიერებებსაც შეინარჩუნებს და გემოც გაუმჯობესდება.

სასარგებლო რჩევა: საკვებად ძირითადად ბროკოლის ზედა ნაწილი გამოიყენება, მაგრამ არც ღეროს გადაგდებაა რეკომენდირებული – ის დიდი რაოდენობით შეიცავს A, E, C, K და სხვა სასარგებლო ელემენტებს – მაგნიუმი, მარგანეცი, ფოსფორი, კალიუმი და ცინკი.

5. სატაცური

სატაცურის მოხმარების წესი ბროკოლისას ეხება: ის უმჯობესია ორთქლზე მოამზადოთ და ცხელ წყალთან პირდაპირ კავშირს მოარიდოთ. მომზადების მსგავსი წესი დაგეხმარებათ სატაცურში სასარგებლო ნივთიერებები და ელემენტები შეინარჩუნოთ, ამასთანავე წყალი, რომელიც გამოიყოფა, შეგიძლიათ ფაფისა და წვნიანის მომზადებაში გამოიყენოთ. სატაცურის მომზადების კიდევ ერთი კარგი მეთოდია, მისი სწრაფად შეწვა: ამისათვის საჭიროა სატაცური ტაფაზე 5-7წუთით მოათავსოთ. ამგვარად ის ვიტამინებისა და მიკროელემენტების უფრო დიდ კონცენტრაციას შეინარჩუნებს, ვიდრე ორთქლზე მომზადებისას.

6. ავოკადო

დიდი ხანია ცნობილია ის ფაქტი, რომ ეგზოტიკური ხილი მცენარეული ცხიმებისა და ვიტამინების A, B და E ნამდვილი საცავია. პრაქტიკას თუ დავეყრდნობით, უმეტესობა ჩვენგანმა არ იცის ავოკადოსგან მაქსიმალური სარგებელი როგორ მიიღოს, ეს პრობლემა კი ხშირად ჯერ კიდევ უშუალოდ მომზადების დაწყების წინ იჩენს თავს. საქმე იმაშია, რომ ზოგი პროდუქტს არასწორად წმენდს, კანს ზედმეტად სქლად რბილობთან ერთად ჭრის. სინამდვილეში კი ავოკადოს დამუშავება შემდეგნაირადაა საჭირო: საჭიროა ნაყოფი შუაზე გაჭრათ, შემდეგ შუაზე გაყოთ და აკურატულად გათალოთ, ამ შემთხვევაში საუკეთესო ვარიანტია სპეციალური ავოკადოს დანის გამოყენება. უპირველეს ყოვლისა საჭიროა ავოკადოს მაღაზიაში არჩევისას დიდი ყურადღება გამოიჩინოთ: ნაყოფი ოდნავ რბილი უნდა იყოს, ზედაპირზე კი ნაპრალები, ლაქები და ნაკაწრები არ უნდა ჰქონდეს.

საინტერესო ფაქტი: ავოკადოს სახეობის განსაზღვრაც მარტივი ამბავი არ ყოფილა. თავისებურებათა ნაწილით ის ბოსტნეულს უფრო წააგავს – ვიზუალი, გემო და ნაწილობრივ ქიმური შემადგენლობაც. წარსულში მას საერთოდ თხილეულადაც კი მიიჩნევდნენ. რეალურად ავოკადო ხილია.

7. მარწყვი

უმეტესობა ჩვენთაგანი მარწყვის ყიდვის შემდეგ, სახლში მისი მოტანისას, მას პირდაპირ რეცხავს და მიირთმევს. ეს მართებულიცაა, სწორედ რომ ახალ მარწყვშია ვიტამინების A, B, C, K , ანტიოქსიდანტების, ორგანული მჟავეებისა და სხვა სასარგებლო ნივთიერებების მაქსიმალური დიდი რაოდენობა. თუ მოხმარებამდე მარწყვი კიდევ გარკვეული დრო უნდა იდოს, მაშინ მისი გარეცხვა საჭირო არაა, უმჯობესია უბრალოდ ცივ ადგილას შეინახოთ. გარდა ამისა, იმისათვის, რომ მარწყვმა თავისი სასარგებლო თვისებები მაქსიმალურად შეინარჩუნოს, თავი უნდა შეიკავოთ მათი დაჭრის, შაქრის დამატებისა და წნების დამატებისაგან.

8. ნიორი

ყველა გამოცდილმა კულინარმა თუ პროფესიონალმა მზარეულმა იცის, რომ ნივრის კბილის დაჭრას, მისი დაჭეჭყვა ჯობს. შემდგომ კი სასურველია ის დროებით სუფთა ჰაერზე დატოვოთ, ხოლო უკვე შემდეგ წვნიანსა და შემწვარ კერძებს დაუმატოთ.

მოქმედებების ასეთი ალგორითმი განპირობებულია ისეთი უნიკალური ნივთიერების არსებობით, როგორიცაა ალიცინი – ძლიერი ბაქტერიციდული ეფექტის მქონე ნაერთი, რომელსაც ადამიანის იმუნიტეტი რამოდენიმე დღით გაუმჯობესება შეუძლია. ამ ნივთიერების ინტესიური გამოყოფა სწორედ ჟანგბადთან კონტაქტისას ხდება, ამიტომაც ნივრის კბილისგან მაქსიმალური სარგებლის მიღება, მის გამოყენებამდე ნივრის ჰაერზე ცოტახანს გაჩერების შემთხვევაში შეგიძლიათ.

9. ბურღულეული

ვინ იფიქრებდა იმას, რომ ბებოების რეცეპტი, რომელიც ბურღულეულის რძეში მოხარშვას გულისხმობდა, სავსებით არ ყოფილა ისეთი სასარგებლო, როგორიც გვეგონა. აღმოჩნდა, რომ ბურღულეულისა და რძის შერწყმა ადამიანის ორგანიზმისთვის სასარგებლო სავსებით არაა.

ეს ყოველივე ორი მიზეზითაა გამოწვეული: უპირველეს ყოვლისა, რძე მნიშვნელოვნად ზრდის კერძის გლიკემიურ მაჩვენებელს, რაც, შესაბამისად, სისხლში შაქრის მკვეთრ ზრდას იწვევს. გარდა ამისა, რძეს აქვს უნარი შეამციროს სისხლში საკვები ნივთიერებების შეწოვა. ასე მაგალითად, მილიონთათვის საყვარელი რძეში მოხარშულ წიწიბურას ფაფა არც ისე სასარგებლო ყოფილა, ყველაფერი კი იმიტომ, რომ მასში არსებული რკინა და რძედან მიღებული კალციუმი ორგანიზმში მოხვედრისას ერთმანეთის ათვისებას ხელს უშლის.

10. ჩაი

უმეტესობა ჩვენთაგანი ჩაის მდუღარე წყალს ეგრევე ასხამს, რეალურად კი ეს ქმედება მცდარია – არ შეიძლება ჩაის ფოთლებისთვის მდუღარე წყლის დასხმა, უმჯობესია წყლის ტემპერატურა 80-85°С იყოს. ამასთანავე თაფლიანი ჩაის მოყვარულებისათვის გვაქვს გაფრთხილება, რეკომენდირებული არაა ნუგბარის ცხელ ჩაიში ჩამატება. საქმე იმაშია, რომ 42°С და უფრო მაღალ ტემპერატურაზე თაფლი თავის სასარგებლო თვისებებს კარგავს, ხოლო 60°С-ზე კი თაფლში საერთო არასასარგებლო საკვები ნივთიერება კარცენოგენი – ოქსიმეთილფურფურალი გამოიყოფა, რომელიც ჯანმრთელობას არაფერს შეჰმატებს.

რჩევა რედაქციისაგან: მიირთვით მხოლოდ ახალ მომზადებული ჩაი, რადგანაც 1,5-2საათის შემდეგ დამდგარი ყველაზე ხარისხიანი ჩაიც კი ყველა სასარგებლო თვისებას კარგავს.

თქვენ ასევე დაგაინტერესებთ

საიტი იყენებს cookies ფაილს, ეს მსოფლიო სტანდარტია ok წაიკითხე