ფიტნესი დამწყებებისთვის: 5 მარტივი ვარჯიში, რომელიც მოკლე დროში ფორმაში ჩაგაყენებთ

44 views

სხეულის გავარჯიშება ფიტნეს დარბაზის გარდა, სახლშიც შეგიძლიათ. დაგჭირდებათ მხოლოდ მცირე მონდომება და ათიოდე წუთი დღეში. შედეგად მიიღებთ ლამაზ სხეულს და რამდენიმე დაკარგულ კილოგრამს.

 1.  გამარტივებული შპაგატი (ხეზი) ბლოკებით

ბევრისთვის მიუწვდომელი რეალობაა შპაგატში  ჩაჯდომა. არადა, ეს პოზიცია ძალიან საჭირო და სასარგებლოა ყველასთვის, განსაკუთრებით მანდილოსნებისთვის. მიიჩნევა, რომ შპაგატი  კარგად ავარჯიშებს ქალის რეპროდუქციულ ორგანოებს და უშვილობის საუკეთესო პროფილაქტიკაა.ამ ვარჯიშის შესრულება თავიდან, რა თქმა უნდა, რთულია, ამიტომ დასაწყისისთვის მოიმარჯვეთ ფიტნესის ბლოკები ან უბრალოდ, ორი წიგნი საყრდენად. ნახევრად ჩაჯდომას ყველა ახალბედა შეძლებს და საკმარის დატვირთვას მიიღებთ ფეხის და თეძოს კუნთებზე. უკან გაშლილი ფეხით შეეხეთ იატაკს, წინა ფეხით კი ტერფზე დაეყრდენით და ნელ-ნელა გაწიეთ წინ სადამდეც შეძლებთ. მნიშვნელოვანია საყრდენი ნივთები მოათავსოთ უშუალოდ თეძოების გასწვრივ.

2. ნახევარმთვარის შემსუბუქებული პოზა

ეს ვარჯიში ერთდროულად ბევრ კუნთს გაგივარჯიშებთ და რაც მთავარია, პარალელურად ნერვულ სისტემასაც, რადგან ორგანიზმი მომართული იქნება ბალანსის შენარჩუნებაზე. მოდუნების უნარი თანამედროვე ადამიანისთვის დიდი პრობლემაა, ამიტომ თუნდაც ერთი წუთით გონების გადართვა ბალანსის შენარჩუნებაზე, ნერვულ სისტემას კოლოსალურ განტვირთვას მოუტანს.მოდუნებასთან ერთად გაგიმკვრივდებათ ფეხის და გვერდითა კუნთები. შესრულების პრინციპი ასეთია: ხელის გულით დაეყრდენით მხრის გასწვრივ ფიტნეს-ბლოკს ან ნებისმიერ მსგავსი სიმაღლის ნივთს. საპირისპირო ფეხი აწიეთ თეძოს სიმაღლეზე. თავისუფალი ხელი კი აწიეთ მაღლა.

3. გვერდების ინტენსიური გაწელვა

წელის მიდამო ყველაზე პრობლემური ზონაა ქალის სხეულზე. ეს მარტივი ვარჯიში კი დაგეხმარებათ გქონდეთ გამოყვანილი და მოხდენილი წელი.  თითოეულ მხარეზე დაყოვნდით მინიმუმ 1 წუთი. თუ რეგულარულად შეასრულებთ, ორ კვირაში გექნებათ საგრძნობი შედეგი.

გაითვალისწინეთ: ხელი საყრდენზე აუცილებლად უნდა იყოს მხრის გასწვრივ.

4.  წინ გადახრა ცალ ფეხზე

ვარჯიში ფეხებისთვის, ხერხემლისა და საჯდომისთვის. მნიშვნელოვანია გაითვალისწინოთ: წინა ფეხი აუცილებლად უნდა იყოს გასწორებული, ხოლო უკანა ასწიეთ კომფორტულ მდგომარეობამდე. რაც უფრო მაღლა აწევთ ფეხს, მეტად დატვირთავთ კუნთებს.

5. გედის პოზა – შემსუბუქებული

იოგას ერთ-ერთი ულამაზესი პოზიციაა. საყრდენთან ერთად მარტივი შესასრულებელია. აქტიურად წვავს კალორიებს.

შესრულების პრინციპი ასეთია: მარცხენა ფეხი დაიჭირეთ ნახევრად ლოტუსის პოზაში. მარჯვენა კი დააყრდენით ბარძაყის წინა მხარეს. მუხლი მოხარეთ და ტერფი მარჯვენა ხელით დაიმაგრეთ.  მარცხენა ხელით მარცხენა ფეხს დაეყრდენით. საყრდენი ბლოკი მარცხენა თეძოს ქვეშ ამცირებს დატვირთვას.

ეს ვარჯიში ასევე ძალიან კარგია რეპროდუქციული ორგანოებისთვის. გაიმეორეთ 30-30 წამის განმავლობაში თითოეულ მხარეს.

თქვენ ასევე დაგაინტერესებთ

საიტი იყენებს cookies ფაილს, ეს მსოფლიო სტანდარტია ok წაიკითხე