რომელი სავარჯიშოები აღარ უნდა შეასრულოთ, 60+ ასაკში

38 views

სპორტში ასაკობრივი შეზღუდვა არ არსებობს. ნებისმიერ ასაკში ზომიერი ფიზიკური დატვირთვა მხოლოდ სასარგებლოა. და მაინც, ორგანიზმის ასაკთან დაკავშირებული ცვლილებები არსად ქრება. ამიტომაც არსებობს ვარჯიშთა სახეობები, რომლებიც ხანდაზმულთათვის რეკომენდირებული არაა. ეს იმას სავსებით არ ნიშნავს, რომ მათ კვირაობით იოგაზე აღარ უნდა იარონ ან კიდევ სპორტდარბაზს აღარ ესტუმრონ, უბრალოდ საჭიროა საკუთარი ორგანიზმის თავისებურებანი გაითვალისწინონ, მით უფრო ხანდაზმულობაში.

ვარჯიში შუა ხნის ასაკში

იმისათვის, რომ კუნთები ტონუსში შეინარჩუნოთ, კვირაში სამჯერ გაჭიმვები გააკეთეთ. თუ ფიტნესით ხართ დაკავებული, ვარჯიში აუცილებლად მცირე გახურებით დაიწყეთ, დასასრულს კი გაჭიმვა გააკეთეთ. ეს აუცილებელია კუნთების აღსადგენად და სისხლის მიმოქცევის გასაუმჯობესებლად. კარგი გაჭიმვას ტრავმების რისკი მინიმუმამდე დაჰყავს და სახსრების მოძრაობას აუმჯობესებს. თუ 30წლის ხართ, შტანგების დამატებას გირჩევდით, მაგრამ თუ 60წელს გადაცილებული ბრძანდებით, უმჯობესია საკუთარი სხეულის წონა იკმაროთ. მთავარია მოძრაობა შეინარჩუნოთ და არა გაჭიმვაში რეკორდი დაამყაროთ.

ჩართეთ თქვენს გრაფიკში კარდიოვარჯიშები. გადამეტებული ძალისხმევა საჭირო არაა. საკმარისია ველოსიპედით სიარული, სკანდინავიური სიარული და ძაღლის გასეირნება. მნიშვნელოვანია ვარჯიშებს შორის ორგანიზმს დასვენების საშუალება მისცეთ. ყველაფერი ფიზიკური მომზადების დონეზეა დამოკიდებული. ზოგს ძალების აღსადგენა ერთი დღე სჭირდება, სხვებს კი სამი.

სხვადასხვა ჯგუფის კუნთები ავარჯიშეთ. თუ არ იცით, რითი დაიწყოთ, ჯგუფურ ვარჯიშზე ჩაეწერეთ ან რამოდენიმე ვარჯიშისათვის მწვრთნელი იპოვეთ. ის მიმართულებას მოგცემთ და აგიხსნით თუ რითი ჯობს დაწყება. შემდეგ უკვე თავად გაერკვევით ყველა ნიუანსში და იმაში თუ რა ინტერვალებითაა ვარჯიში სასურველი.

რომელი ვარჯიშებია აკრძალული

  • მუხლების ტრენაჟორზე მოხრა

მუხლზე ყველა სახის დატვირთა რისკია, რადგანაც ხანდაზმულებში ეს განსაკუთრებით პრობლემური ადგილია. თუ ზემოდან კიდევ რამოდენიმე ზედმეტ კილოგრამს დაუმატებთ, ეს ჯანმრთელობისთვის სასარგებლო ნამდვილად ვერ იქნება. ჩაანაცვლეთ ის უბრალო ჩაჯდომებით, გაჭიმვის გარეშე. ყურადღება მიაქციეთ შესრულების ტექნიკის გამართულობას.

  • ღერძზე აზიდვა

ფიზიოლოგიური კუთხით ეს ვარჯიში არასწორია. არაერთ სპორტცმენს ამ ვარჯიშიც მხარი დაუზიანებია. ჩაანაცვლეთ ის გაჭიმვებით და გულმკერდისაკენ ზომიერ წონის ზიდვით.

  • ჰანტელების თავს უკან მიტანა

60 წლის შემდეგ სახსრები საფრთხის წინაშეა. ამიტომაც არ ღირს ხელების თავს უკან გაჭიმვა და უმჯობესია ჰანტელები გვერდით ან წინ გაჭიმოთ.

ზედმეტი არ იქნება კვებასაც თუ ვახსენებთ. ვარჯიშამდე ორი საათით ადრე უნდა მიირთვათ, რათა ვარჯიშების შესასრულებელი ძალა გქონდეთ. და არ დაგავიწყდეთ წყლის დალევა, როგორც ვარჯიშის დროს, ასევე მის მერე. ჯანმრთელად იყავით და გახსოვდეთ, რომ მოძრაობა ცხოვრებაა! წარმატებული დღე.

თქვენ ასევე დაგაინტერესებთ

საიტი იყენებს cookies ფაილს, ეს მსოფლიო სტანდარტია ok წაიკითხე