იოგას ვარჯიშების კომპლექსი,რომელიც მოგაშორებთ ყველაფერ ზედმეტს და დაგეხმარებათ ჩადგეთ ფორმაში

28 views

ყველას არ სურს დილაობით სირბილი და სპორტდარბაზში სიმძიმის ზიდვა ფორმის შესანარჩუნებლად. ზოგიერთი ადამიანისთვის ჯანმრთელობის მდგომარეობის გამო ფიზიკური დატვირთვა უკუნაჩვენებია. რა უნდა გავაკეთოთ იმისათვის,რომ დავრჩეთ კმაყოფილნი საკუთრი ფიგურით თუ თვითგანწყობით? ვარჯიშების კომპლექსის დამოუკიდებლად შერჩევა ყველას შეუძლია. იოგა-უნივერსალური ხერხია სხეულის და ფიქრების მოსაწესრიგებლად.

ვარჯიშების კომპლექსი მთელი სხეულისთვის

იოგაში მთავარია ბალანსის დაჭერა. როცა ცდილობთ წონასწორობის შენარჩუნებას, კუნთები იჭიმება და უფრო მტკიცე ხდება. სწორ კვებასთან შეხამებით თქვენი სხეული შეიძენს მოქნილობას. იოგას ვარჯიშებისთვის შეარჩით სპეციალური ხალიჩა ან ზედაპირი,რომელიც არ სრიალებს.

მეომრის პოზა (ვირაბხადრასანა)

  1. გასწორდით წელში და მარჯვენა ფეხი გადადგით წინ,დაახლოებით 1 მეტრზე,ის უნდა იყოს მოხრილი 90 გრადუსიანი კუთხით. მარცხენა ფეხი მაქსიმალურად გაშალეთ და ეცადეთ ტერფი იატაკისკენ მაქსიმალურად მიმართოთ. თუ გიჭირთ მსგავს პოზიციაში წონასწორობის შენარჩუნება,შეგიძლიათ მარცენა მუხლით იატაკს დაეყრდნოთ.
  2. შეკარით ხელები და მარცხენა ხელის იდაყვით შეეხეთ მარჯვენა მუხლს. ამ დროს წელში არ მოიხაროთ და პირდაპირ იყურეთ.
  3. შეეცადეთ მოცემულ პოზიციაში 30 წამით დაყოვნდეთ. თანაბრად ისუნთქეთ,ჯობს საკუთარ თავს სარკეში დააკვირდეთ. 30 წამის შემდეგ იგივე  გააკეთეთ მეორე ფეხზე. მოცემული ვარჯიშის დროს მუშაობს ბარძაყის უკანა ზედაპირი,ზურგის და მუცლის ირიბი კუნთები.

სკამის პოზა (უტკატასანა)

  1. დადექით სწორად და შეატყუპეთ ფეხები. ჩაჯექით ისე,რომ  შეიქმნას 90 გრადუსიანი კუთხე.შემდეგ ტორსით წინ გადაიხარეთ,მენჯი კი უკან მოაქციეთ.
  2. მარჯვენა ხელით შეეხეთ მარცხენა ტერფს, მარცხენა ხელი კი ზემოთ აღმართეთ, წინ იყურეთ,წელში გასწორდით.
  3. მოცემულ მდგომარეობაში გაჩერდით 30 წამით,შემდეგ შეცვალეთ ხელი. ამ ვარჯიშის დროს დაჭიმულია ზურგის კუნთები და ფეხები. ასევე ჩართულია მუცლის ირიბი კუნთებიც.

კობრას პოზა (ბხუჟურგასანა)

  1. დაწექით მუცელზე,ხელები წინ დაიწყვეთ. დაეყრდენით ხელის გულებს და ზემოთ აიწიეთ.
  2. ვარჯიშის გასართულებლად ხელის გულები მიმართეთ ტორსისკენ.
  3. მოცემული ვარჯიში დაგეხმარებათ დგომის პოზის გაუმჯობესებაში. ის შეასრულეთ 30 წამის განმავლობაში.

ვასიშტხასანა

  1. შეასრულეთ პლანკა იგივე სტატიკური ვარჯიში გაშლილ ხელებზე. ამ დროს დაჭიმულია მუცლის პრესი.წონა გადაიტანეთ მარცხენა ხელზე,მაჯა მხრის პირდაპირ მოათავსეთ,ხელის გული კი გაშლილი უნდა იყოს.
  2. მარჯვენა ხელი ზემოთ აწიეთ,შეეცადეთ ამ მდგომარეობაში 15 წამით დაყოვნდეთ,უმჯობესია 30-ით. შემდეგ ვარჯიში შეარულეთ მეორე ხელზე.
  3. ვასიშტხასანა ამყარებს ხელების და ფეხების კუნთებს,მუცლის ირიბ კუნთებს და შლის გულმკერდს.

შეასრულეთ ეს ვარჯიშები ყოველ დილით. ჯამში 5 წუთზე მეტი არ დაგეხარჯებათ. სამაგიეროდ,სხეული გაიღვიძებს  და დაიმუხტებით ენერგიით.   სასურველია შეარულოთ გაწელვის ვარჯიშები დასაწყისსა და ბოლოში,რათა თავიდან აიცილოთ კრეპატურა.

თქვენ ასევე დაგაინტერესებთ

საიტი იყენებს cookies ფაილს, ეს მსოფლიო სტანდარტია ok წაიკითხე