უკრაინელმა ბებომ გამანდო რძიანი ფაფის მომზადების ძველი რეცეპტი, მას ნაღების კარაქის ნატეხთან ერთად მივირთმევ.

83 views

ძველად უკრაინის და ბელორუსის სოფლებში ხშირად აკეთებდნენ რძიან ფაფას ფქვილისგან. დღეს ცოტა ვინმეს თუ სმენია ასეთ კერძის შესახებ. მოცემულ სტატიაში გაგიზიარებთ მისი მომზადების რეცეპტს დასავლეთ უკრაინის სოფელ ვოსკრესინციდან.

ფქვილისგან მომზადებული ფაფა

ინგრედიენტები

  • 1 ც. კვერცხი
  • 1,5 ჭიქა წყალი
  • 200 გ ხორბლის ფქვილი
  • 1,5 ჭიქა რძე
  • 20 გ ნაღების კარაქი
  • 1 მწიკვი მარილი

მომზადება

1. პირველ რიგში, ქვაბში ერთმანეთს შეურიეთ წყალი და რძე. შემდეგ ღრმა თასში გაცხრილეთ ფქვილი, დაუმატეთ მარილი და წინასწარ ოდნავ ათქვეფილი კვერცხი. ინგრედიენტები ერთმანეთში კარგად გადაურიეთ ჩანგლით, რათა ფქვილისგან წარმოიქმნას პატარა კოშტები.

ორიგინალ რეცეპტში ეს კეთდება ხელით სპეციალურ ხის გობში. კერძის სახელწოდებაც აქედან მომდინარეობს, რადგან მომზადების ამ ეტაპზე მუკრლები ერთმანეთს უნდა შეაზილოთ.

2. ქვაბი, რომელშიც წყალი და რძეა ერთმანეთში შერეული, ცეცხლზე დადგით. შემდეგ სითხეს თანდათან დაუმატეთ ფქვილი და მუდმივად მოურიეთ.

3. რძე ისევ უნდა წამოდუღდეს, ხარშვის დროს ფაფას მუდმივად ურიეთ, რათა ფქვილი არ მიიკრას ქვაბის ფსკერზე. ფაფის გადახარშვას არ გირჩევთ, რადგან ასეთ შემთხვევაში იგი ერთ მთლიან მასად გადაიქცევა. ამ კერძის მთელი მომხიბვლელობა ფქვილის მუკლებშია, რომლებიც რძეში დაცურავს.

4. უკვე მზა ფაფაში ჩააგდეთ ნაღების კარაქის ნატეხი, რათა მისი გემო კიდევ უფრო ნაზი გახდეს. სურვილისამებრ, შეგიძლიათ მას ცოტაოდენი შაქარიც დაუმატოთ.

რედაქციისგან

მოცემულ რეცეპტში წყლისა და რძის ოდენობები თანაბარია, თუმცა გირჩევთ, რომ შედარებით ცოტა წყალი აიღოთ და მხოლოდ მაშინ ჩაამატოთ, თუ შეამჩნევთ, რომ ფაფა სქელი გამოდის. ორიგინალ რეცეპტში 1,5 ლ ძროხის რძეს აზავებდნენ 0,5 ლ წყალში. ამას იმიტომ აკეთებდნენ, რომ ოჯახის რძე ძალიან ცხიმიანია. დღეს ამგვარად მომზადებულ ფაფას ჩვეულებრივი რძიანი მაკარონების წინაპრად მოიხსენიებენ. ეს კერძი იმდენად გემრიელია, რომ თითებს ჩაიკვნეტთ!

თუ უკრაინული რეცეპტის მიხედვით ამ ფაფის მომზადებას გადაწყვეტთ, აუცილებლად გაგვიზიარეთ შთაბეჭდილებები კომენტარებში!

თქვენ ასევე დაგაინტერესებთ

საიტი იყენებს cookies ფაილს, ეს მსოფლიო სტანდარტია ok წაიკითხე