ვალენტინობის დღეს წყვილმა ნაქირავებ ბინაში იჩხუბა და ერთი და იგივე ჩაქუჩის გამოყენებით ერთმანეთი დახოცეს

ორლოვსკის რაიონის სოფელ ზარეჩიეში შეყვარებული წყვილი ნაქირავებ ბინაში გარდაცვლილი იპოვეს. SHOT-ის ინფორმაციით, ისინი სასიკვდილოდ ერთსა და იმავე ჩაქუჩს იყენებდნენ.

31 წლის ქალი და 33 წლის მამაკაცი ბინაში ისვენებდნენ, თუმცა უცნობი მიზეზით მათ შორის კონფლიქტი გაჩნდა. ჩხუბის დროს მათ იქვე არსებული ჩაქუჩი გამოიყენეს და ერთმანეთს სასიკვდილო დაზიანებები მიაყენეს. ორივე სისხლის დაკარგვის შედეგად გარდაიცვალა.

მათი ცხედრები დივანზე აღმოაჩინეს, ხოლო სისხლიანი ჩაქუჩი შემთხვევის ადგილზე იპოვეს. სამართალდამცველებმა მკვლელობის მუხლით სისხლის სამართლის საქმე აღძრეს, ხოლო ზუსტ მიზეზს სასამართლო ექსპერტიზა დაადგენს.