კროპასის განცხადებით, იგი არც კი ვარაუდობდა, რომ შესაძლოა ორსულად ყოფილიყო.
ამერიკის ქალაქ უეიმუტის მცხოვრებმა კატერინა კროპასმა საავადმყოფოს ზურგის მწვავე ტკივილის გამო მიმართა. გასინჯვის შემდეგ ექიმებმა იგი სასწრაფოდ საოპერაციოში გააქანეს – როგორც აღმოჩნდა ქალს მშობიარობა დაეწყო.
“მათ გამსინჯეს და სამშობიარო პალატაში გამაგზავნეს… მე 10:15 საათზე გავიგე, რომ ორსულად ვარ, ხოლო ელი 11:06 საათზე დაიბადა,” – აცხადებს 23 წლის კატერინა.
კროპასის განცხადებით, იგი არც კი ვარაუდობდა, რომ შესაძლოა ორსულად ყოფილიყო, რადგან ფეხმძიმობის არანაირი ნიშნები არ აღენიშნებოდა, ხოლო ბოლო 3 თვეში წონის მატებას იგი საჭმლის დიდი რაოდენობით მიღებას აბრალებდა.
აღსანიშნავია, რომ პატარა ელი, რომელიც დაბადებისთანავე პოპულარული გახდა, აბსოლუტურად ჯანმრთელი დაიბადა, მიუხედავად იმისა, რომ დედას არანაირი კონსულტაცია და გამოკვლევა არ ჩაუტარებია.
