584
გარემოს ეროვნული სააგენტოს ცნობით, 28 თებერვლიდან 2 მარტამდე საქართველოში ჰაერის ტემპერატურა საგრძნობლად დაეცემა. ღამის საათებში დასავლეთ საქართველოს დაბლობში -5, -10°C, აღმოსავლეთის ბარში -7, -12°C, მთიან რაიონებში -13, -18°C, ხოლო მაღალმთიან ზონაში -18, -23°C ყინვაა მოსალოდნელი.
ცივი ამინდების გამო დასავლეთ საქართველოს გზებზე ძლიერი ყინული და ელექტროგადამცემ ხაზებზე მოყინულობაა მოსალოდნელი, მაღალმთიან რეგიონებში კი ზვავსაშიშროება. დიდთოვლობის, ხილვადობის გაუარესებისა და ქარბუქის გამო ცალკეულ საავტომობილო მონაკვეთებზე ტრანსპორტის მოძრაობის შეზღუდვა შესაძლებელია.
ასევე, კოლხეთის დაბლობზე ტემპერატურის -5, -10°C-მდე დაკლებამ შესაძლოა ციტრუსოვანი კულტურების დაზიანება გამოიწვიოს, რის გამოც საფრთხის დონე მაღალია.
