ლივერპულთან პენალტებისთვის ემზადებიან? – რა თქვა ლუის ენრიკემ

ხვიჩა კვარაცხელიას პარი სენ-ჟერმენი ჩემპიონთა ლიგის 1/8-ფინალში ლივერპულს დაუპირისპირდება. შეხვედრები 6 და 12 მარტს გაიმართება.

იქამდე კვარას გუნდს ხვალ ღამით სათასო თამაში ელის, თუმცა პრესკონფერენციაზე ლუის ენრიკემ კომენტარი ლივერპულზეც გააკეთა.

ვემზადებით თუ არა პენალტებისთვის? ჩვენ ვარჯიშებზე ყველაფრისთვის ვემზადებით, თუმცა დიდი იმედი გვაქვს, რომ 11-მეტრიანებამდე საქმეს არ მივიყვანთ.

ჯერ თასზე ვფიქრობთ, თუმცა ლივერპულისთვისაც გვაქვს გეგმა მზად. მთავარია, რომ გუნდი კონკურენტული იყოს განურჩევლად იმისა თუ ვის ვეთამაშებით.

– თქვა ენრიკემ.